María Dolores Díaz Baliño naceu na Coruña o día 6 de xaneiro de 1905 e morreu o 3 de Novembro de 1963. Dedicou a súa vida á pintura e á docencia, e foi a primeira muller membro da Real Academia Galega de Belas Artes, xunto con Carmen Corredoyra.
Tivo unha importante función como mestra e educadora no ámbito das artes, chegando a ser profesora na Escola de Artes e Oficios da Coruña. Ademais, tiña unha academia na súa vivenda. O seu alumnado estaba formado sobre todo por mulleres. Foise pouco a pouco acercando aos movementos rexionalistas, aínda coa súa educación e pensamento conservadores, participando en varias manifestacións.
A súa obra está ubicada no Museo de Belas Artes, e nesta destacan as paisaxes. As escenas que representaba destacaban polas cores brillantes e alegres. Hai algunhas obras fantásticas e outras con aspectos do rexionalismo, mantendo trazos realistas. Porén, o seu estilo destaca polo decorativismo, nun punto medio entre modernismo e simbolismo.
Comentarios
Publicar un comentario