Ramón Otero Pedrayo

Naceu en Ourense. Estudou o bacharelato en Ourense e as carreiras de dereito, filosofía e letras en Madrid. É unha das grandes figuras da literatura galega do século XX e pertenceu ao Grupo Nós. Foi tamén o primeiro presidente da Editorial Galaxia,  En canto á literatura (poesía, novela, ensaio ou teatro). Otero Pedrayo quería afirmar a cultura galega na modernidade, incorporar o galego como lingua culta e a defensa da identidade nacional de Galicia; de feito pertenceu á conquista do Estatuto de Autonomía para Galicia.

Pese a que destacou principalmente como escritor e  intérprete da realidade histórica, na súa traxectoria como mestre, Ramón Otero Pedrayo exerceu de profesor no Instituto de Ourense entre 1929 e 1937, e despois de ser sancionado  por pertencer ó partido galeguista, non pediu o seu reingreso por motivos éticos, pero concedéronllo en 1948 onde estivo ata o 1950, xa que en setembro deste ano pasa a ser Catedrático de Xeografía da Universidade de Santiago de Compostela ata a súa xubilación en 1958. 

É posible que o afán por querer traballar de mestre en Ourense fose debido a ter a  súa nai viúva, con ela mantiña unha relación moi especial. Por outra banda, a seguridade dun traballo funcionarial era sedutora para el. Foi mestre dedicado sempre á ensinanza no urbano, como por exemplo Burgos, Santander, Ourense e a Universidade de Santiago de Compostela. Traballou con alumnos de clase media no bacharelato, en cambio, na Universidade de Santiago de Compostela os seus aprendices eran de clase media-alta. Según os seus alumnos, tiña unha docencia baseada nas clases maxistrais, na cal mostraba o seu afán defensor do ensino en galego, e dicían que ‘’aprobaba a todos’’.

Elaborou algún libro de texto, clásico, para varios niveis de bacharelato  como Lecciones de Geografía. Non se dedicou especialmente ás cuestións pedagóxicas, aínda que lle encantaba o contacto cos estudantes. De vello recibía visitas escolares en Trasalba e participaba en festividades como o día da árbore, o día do libro, o día das letras galegas... en distintos centros de Ourense.