Nace en 1945 En Vilar de Cas (Lugo). Durante a súa época estudantil afirma que as súas clases eran aburridas e que non lle despertaron ningún tipo de vocación. A súa vocación nace ao chegar ao seu primeiro destino como docente en Maderne, A fonsagrada. Aquí imparte clase a 52 nenos de todas as idades nuhna mesma clase. Naquel momento encóntrase con mestres de Acción Católica, que poseen unha orientación profesional innovadora e Ermitas empeza a converter a aula nun espazo de liberdade a través da conversación e o diálogo.
Co programa Preescolar na casa, Ermitas recorre toda Galicia. Este tiña como obxetivo disminuir a situación de desvantaxe das aldeas galegas. En 2001, Preescolar na casa constitúese como fundación e Ermitas asume o cargo de directora executiva.
No ano 2004, ao programa incorpóraselle outro patrocinado por dúas consellerías: Familia e Educación, pasándose a chamar: Preescolar na casa. Educar en Familia. É neste momento no que Ermitas establece a relevancia do papel da familia na educación dos primeiros anos da vida dos nenos e nenas.
Ermitas destaca tamén por formar parte das 30 docentes máis innovadoras da escola española durante a segunda república, franquismo e ata os primeiros anos do s. XXI, sendo destacadas na revista Cadernos de Pedagogía.
En canto aos aportes na educación, para Ermitas os entornos rurales son un medio rico e estimulante para a aprendizaxe.
Traballa con antiguos alumnos que abandonaron a escola nas chamadas actividades de noite. Nestas actividades os pais deixan ir aos rapaces pero son moi reticentes a que as rapazas saian de noite, é por esta razón que Ermitas se integra nestas actividades para evitar que as nenas queden na casa. Pouco a pouco empézanse a notar cambios de mentalidades favorables as mulleres.
A parte destas actividades de noite, Ermitas tamén traballa cos pais no programa Extensión agraria, cuxo obxetivo é ofrecer actividades destinadas a mellorar o seu nivel cultural, tamén loita para acabar coa discriminación e a falta de integración das mulleres nesas actividades.
Como xa dixemos, Ermitas centra todo o seu esforzo en demostrar a importancia dos primeiros anos do desenvolvemento do ser humano e para eso, reúnese cos pais e fillos para demostrarlles que mediante situacións de actividade e xogo, poden aproveitar o cotián para lograr que os seus fillos aprendan a observar, falar, pensar, adquirir hábitos e crear a súa propia identidade.
En relación con esto, esta pedagoga apostaba por unha maternidade e paternidade responsable xa que establece que a educación do ser humano debe empezar antes do seu nacemento, é decir, é necesario que os pais tomen conciencia da súa actitude antes da chegada dun fillo xa que esto ten vital importancia no que sucederá despóis.
Comentarios
Publicar un comentario